سجل حالتك النفسيـــة الآن ..

--------------------------------------------------------------------------------



هنا الموضوع لكي يسجل كلاً من الاعضاء

حالتهم النفسية في اي وقت شاءوا


عند دخولهم المنتدى

او

عند تصفحهم المنتدى


او


حتى قبل خروجهم منه


ماإن كانوا متضايقين من أمر ما فرحين مبسوطين

يتصفحون المنتدى يأكلون يضحكون




بإختصار لكي لا أطيل عليكم
هذا الموضوع سيمتع الاعضاء ويريحهم لانه موضوع

فضفضة مافي داخل النفس والواحد يدخل ويطلع اللي

داخله ويبرد قلبه وفي هذه الحاله ستتعرف باقي الاعضاء

على حالت العضو كيف كانت حين يسجل حالته


وإنشاءالله تعجبكم هالفكـــــــــره
على الاقل الاعضاء يشوفون شيئ

يبرد قلبهم ويفضفضون اللي بداخلهم على راحتهم



ولكن بشرط لمن يريد الدخول عدم الاساء لأحد الأعضاء في المنتدى مطلقاً



تحياتي فجورررررررررره

انا شخصيا اشتكي من الفراغ الواضح في حياتي
رغم اني طالب وعلى شفا من التخرج وانشاءالله الوظيفة بس دعواتكم يااعضاء المنتدى الشريف

ولكن لااحب اقول اضيع الوقت ولكنما اقول استغل الوقت في حياتي لأن الله سبحانة وتعالى اقسم بالوقت في سورة العصر اي الدهر اي الوقت واحب اقضي وقتي احيانا في قراءة الكتب ولعب ومشاهدة الرياضة وخصوصا كرة القدم واحيانا اغسل البيت واغسل المواعين واخم الغرف حق البيت لأن خواتي كلهم تزوجووو وابتلشنا ههههههههه امزح

بس اعتقد اكثر الناس تشتكي من الفراغ وعسى الله يوفقنا لخدمة المجتمع بدل الفراغ

مشكورين بالفعل موضوع يستحق التثبيت لعل كل شخص يستفيد من الاخر كما اتمنى ان يكون ذالك

تسلم اخوي افضل عالنقد والله انت شي لو كل الشباب مثلك كان احنا بخير

مو مهايت بلشواع ومغازل بنات خلق الله ...........زز


بس تدري والله شكلك شي وانت تغسل الموعين وماسك المقشه وتكنس البيت هههههههههههههههه


الله يوفقك اخوي ويستر عليك

انا الحمد لله اذا زهقت اجي اشوف هالمنتدى الي يطير مني الزهق

والي استفيد منه

لأن فيه مواضيع متحركه وردود .. وحارتنا كلها مجتمعه في هالمنتدى

مشكورى اختي على هالموضوع أنا اذا زهقت برجع وبقول وشزهقت منه ;)

وإذا فرحان بجي بعد :D

تسلم اخوي بس انا غريبه عن حارتكم

وانا طفشاااااااااااااااااااانه وملاااااااااااااااااااااانه

من قسوة الدنيا

راسي بينفجر

ونااااااااااااااااااااسه ومتملله من الزكااااااام

مشكوره اختي فجر الحياء على هذا الموضوع


أما عن حالتي فانا أعاني من مشكلة تنظيم الوقت يعني وقتي مهوب لي الدعوه كلها شغل*شغل
:eek: تعب زهق ملل لكن يفتح الله علينا

سلام عليكم اولا وشخباركم ...

الحمد لله الحال طيب .. توني طالع من الدوام وساير البيت ..شوي ايلس على النت علشان اتصفح منتدانا الغالي وبعدين ارقاد الى المسيان ...
انش من اللرقاد واسير صوب المزرعه اغسل الخيل واعلفهاوبعدهاايلس ويا رباعتي شوي وبعدين ارد الدوام ..

يعني ما شي زهق هاليومين بس الله يستر من الياي ...

مشكووووووور يالفجر على مواصيعج المميزه ..

سلاااااااااااااااااااااااااااام

الله يعينك اخوي عالشغل عالقوه ان شاء الله............


اما انا اليوم زاد علي الزكام مو قادره اتحمله لا وتزيد الكحه اهئ اهئ اهئ........ز

ادعوا لي بلشفاء

مشكوره اختي فجر الحياء على هذا الموضوع

الله يشافيكي ان شاء الله وانصحك من شرب الشاي معصور فيه الليمون

اما انا اقضي وقت فراغي اما التصفح على الانترنت او اتابع المباريات

والعصر اروح الملعب اوسع صدري بس تعرفون هالايام اختبارات يعني مافي لعب

وانا بعد الغداء بروح اذاكر ادعو لي بالتوفيق.

انا اليوم نفسيتي نص ونص ههههههههههههههههه


يعني البنت عبيطه خخخخخخخخخخ

اليوم اني احسن منج يافجر ...

البال مرتاح والنفس طيبه وله الحمد والشكر رب العباد ...

يجيج راي يا فجوووووووور ... طنشي تعيشي تنتعشي .... خخخخخخخخخخ ..

الله يسهل امورج ...

ان شاء الله دوام اخوي فارس مو يوم الله يريح بالك

انا الحين من الدوام وانا منقهره عالعاملات