قول اللذي عندك وانا مثلك بقوله
واعرف حدودك مثل ماعرف حدي

هذب كلامك والحديث بأصوله
وان كنت قدها مابتوصل لقدي

كثرة نباحك والفعل ماتطوله
مايهمني لو صار الكلب ضدي

ان شفتني ساكت فنفسي خجولة
تخاف لك تنزل وثم لاتردي

تخاف لك توصل لسافل ذلوله
ويحدني خلقي على ما تودي

واحيد عن درب الاصل بالميولة
ثم يستوي قدري على قد ردي

تعانق حروفي سيوف الفعوله
حد السيوف يقابله عنق حدي

من كان ينهشني وهذي وصوله
وبان لي مده اظهرت سدي

بنت الكرم والجود منذ الطفولة
بنت الاصول اللي على نهج جدي

فارس على عزة وانا من خيوله
انقل تعاهيده لبعدي وعهدي

بنت ولي في شد المواقف رجولة
ماقط عرف دمعي في يوم خدي

وماقط عرف صوبي درب السهولة
وماقط اظن ابيوم ان ابتعدي

قدري رفيع الشان صعبه تنوله
الا بعد ما يكون جسمي و لحدي