هذة قصيدة لشاب تعب من كثر المغازل وترقيم البنات فالاسواق وهي فكاهيه أشوي


اليكم القصيدة وإن شاء الله تعجبكم



يقول المغازلجي في قصيدته



======================


اتعبني الترقيم من سوق الى سوق
كني موظف في حراسات الاسواق


لزقت فيها لزقت اعلوك ((باطوق))
حتى عرفني كل بايع و سواق


من شافني يقول تاجر و مرموق
في اللبس انارسمي ورايق وذواق


و انا منتف في الحقيقة و مزنوق
حظي مجنب بي عن ادروب الارزاق


عقلي من الخفرات لاذع ومحروق
من يفتحون السوق واناعلى ساق


الحق بنات الناس هايم ومطفوق
ومخباي مليانة من اركان الاوراق


شبكت انا(فجر) و (ريم) والثالثة(شوق)
ولاتنسوا حبيبتي(وعد)وقلبي(اشواق)


دايم وجوالي على الاذن ملصوق
محبوبتي ما تحتمل بعد و فراق


تقول(ثامر)واسمي الصدق(مرزوق)
لايابعد (ثامر) و (مرزوق) و (اسحاق)


العب عليها لعب عاشق بمعشوق
وابني برأس الحلوة جسور انفاق


هذا سلوك اهل الهوى كلها بوووووق
واكثر ضحايا الوقت في الناس عشاق

تحيااااااتي : احمد11

اوووووووووووووووووووو

حتى الشعر ماسلم من الترقيم....

.......................

هههههههههههه الله يجازيك يا حمووود على هالنقل الفكاهي ...

بس هذا حال الشباب هالايام ما دوبهم الا الاسواق والشوارع ملاحق لبنات الناس ويوم اتجي للجد تلقاه صايع

ضايع وخبره انه لو حد اتحرش بأهلك بترضاها تلقاه يوقف متبلم ميروم يرد عليك ...

الله يهدينا ويهدي الجميع ... لك ودي ...........

مشكورين على الردود